You are here
Home > समाचार > अपराध नियन्त्रण पहिलो प्राथमिकता:-महानिरीक्षक सर्वेन्द्र खनाल

अपराध नियन्त्रण पहिलो प्राथमिकता:-महानिरीक्षक सर्वेन्द्र खनाल

१३ बैशाख २०७५, बिहीबार १८:३५

 

१३ वैशाख, प्रहरी महानिरीक्षक सर्वेन्द्र खनालले प्रहरी भित्र नै बसेर संगठनको वदनाम गर्ने ‘किरा’हरुलाई फाल्ने क्रम सुरु भएको बताएका छन् ।

जिल्ला प्रहरी कार्यालय चितवनका निरीक्षण पछि पत्रकारहरु सँग कुराकानी गर्दै खनालले जनताले अनुभूति गर्ने गरी अपराध नियन्त्रण तथा अनुसन्धानको कार्यलाई अगाडि बढाइएको बताए।उनले भने, ‘केहि कामहरुको जनताले अनुभूति गर्नु भइसकेको छ ।

 

अब हाम्रो प्रथामिकता अपराध नियन्त्रण गर्ने नै हो ।’प्रहरी प्रमुख खनालले केही नालायक सदस्यहरुले गरेका अपराध कर्मलाई लिएर पुरै प्रहरी संगठनसँग जोड्न नमिल्ने बताए ।राम्रो काम गर्नेलाई पुरस्कृत गर्ने र नराम्रो काम गर्नेलाई दण्डित गर्ने भन्दै उनले भने ‘संगठनमा केही त्यस्ता केही किराहरु हुन्छन् । त्यसलाई फाल्नुपर्छ ।’उनले प्रदेशमा प्रहरीको संरचना कसरी व्यवस्थापनबारे गृह मन्त्रालयले काम गरिरहेको उनलेबताए ।

प्रहरी प्रमुख खनालले सरकार र जनताको अपेक्षा पूरा गर्ने गरी काम गर्न आफूले कुनै कसर बाँकी नराख्ने प्रतिबद्धता समेत जनाए।